FAQs Lîta dla profesciun y laûr

I ne sa tres nia ćiamò sciöche ara dess jì inant do la scora mesana/la scora alta/le stüde.

Adöm cun la consulënta/le consulënt dl Ofize Orientamënt scolastich y profescional te daste jö cun tü interesc, tües capazitês, tü dejiders, tü valurs y tü obietifs. En plü vëgneste informè sön les poscibilitês de formaziuns o scores che tö podess fà.

I à lascè da jì a scora, mo i messess ćiamò jì a scora.

Adöm cun la consulënta/le consulënt dl Ofize Orientamënt scolastich y profescional te vëgnel splighé ći che le dovëi de formaziun é. I svilupun adöm idees sciöche le tru dla formaziun po jì inant y al vëgn inće chirì alternatives.

Co ciàfon pa n post por n practicum, n lernerat o n post de laûr?

La consulënta/le consulënt dl Ofize Orientamënt scolastich y profescional te dà consëis, sciöche te pos te armöre y olâ che te ciafes de plü informaziuns.

Olâ ciafi pa informaziuns, consëis y documentaziun sön co se presentè?

La consulënta/le consulënt dl Ofize Orientamënt scolastich y profescional te dà consëis y te mostra ejëmpli co fà na domanda por n post de laûr. Adöm podëise ves ponsè fora sciöche te dess jì inant y a ći che al foss da mëte averda.

I oress mudé scora/post da lerner/stüde/laûr.

La consulënta/le consulënt dl Ofize Orientamënt scolastich y profescional prô da ciafè fora adöm cun tè ćiüna che podess ester la rajun dl cambiamënt, sce y porćiodì che al podess ester por val' y prô da chirì adöm cares che foss les atres poscibilitês de formaziun por tè.

I n’à nia ćiamò ciafè la „dërta“ scora o le dër’ post da lerner/de stüde.

La dërta scora, le dër post da lerner, le dër stüde é chëra/chël che passenëia deplü pro to plann de vita. Adöm cun la consulëna/le consulënt dl Ofize Orientamënt scolastich y profescional ves fajëise pinsiers sön ći che é plü adatè a tè y te ći direziun che tö oress te svilupé.

I n’à nia ćiamò stlüt jö la scora/la scora profescionala o l‘université y oress le fà.

La consulënta/le consulënt dl Ofize Orientamënt scolastich y profescional te informëia sön les ofertes de formaziun tl tëmp lëde. Te vëgnes al savëis sciöche te pos fà do n diplom de scora, n diplom de formaziun por n mistier, o n diplom de stüde.

I vëgni da foradecà y i oress jì a scora/fà na scora profescionala/studié tl Südtirol o laurè chilò.

La consulënta/le consulënt dl Ofize Orientamënt scolastich y profescional te informëia sön les poscibilitês de formaziun y da laurè tl Südtirol. Al te vëgn dit a ći che te dess mëte averda, olache te ciafes informaziuns, sciöche te dess jì inant y che che po te dè sostëgn.

L’aziënda olache i à fat le lernerat ne m’à nia tut sö do le tëmp de proa: ći dessi pa śëgn fà?

No perde le coraje. Cun la consulënta/le consulënt dl Ofize Orientamënt scolastich y profescional poste baié de döt. En plü te vëgnel inće mostrè sö ći poscibilitês che al foss por tè.

Mi travert profescional/mi interesc profescionai s’à mudé, mo i sun amesa na formaziun ite: ći dessi pa śëgn fà?

Adöm ala consulënta/al consulënt dl Ofize Orientamënt scolastich y profescional poste baié avisa de to nü obietif tla profesciun. Te na consulënza vëgneste alsavëis a ći che te dess mëte averda y co che te pos arjunje to obietif.

I oress fà na scora, na formaziun o studié al èster.

La consulënta/le consulënt dl Ofize Orientamënt scolastich y profescional te informëia sön les ofertes de formaziun foradecà o te n stat èster y te spliga olâ ciafè contać y a ći che te dess mëte averda.

I adori n sostëgn finanziar por mia scora/mia formaziun/mi stüde?

La consulënta/le consulënt dl Ofize Orientamënt scolastich y profescional te informëia sön i contribuć finanziars por la scora, por le stüde y por formaziuns inće te stać èsters. Ëra/Ël te dij inće olâ che te ciafes informaziuns y chê contatè.

I à ciafè le dër‘ laûr por mè! Mo co feji pa da podëi le fà?

La consulënta/le consulënt dl Ofize Orientamënt scolastich y profescional te informëia sön i vantaji y svantaji di respetifs mistiers y profesciuns y te dà consëis sön co che tö pos arjunje to obietif profescional.

I m’interessëii por de plü profesciuns; cara dessi pa chirì fora?

La consulënta/le consulënt dl Ofize Orientamënt scolastich y profescional te informëia sön les poscibilitês profescionales y te dà sostëgn da laurè fora criters che te dëida da tó na dezijiun.

Ći po pa fà che che lascia da jì a scora?

N training de laûr JAI, n practicum te scora, n practicum te n‘aziënda. Informaziuns é da ciafè tl Ofize Orientamënt scolastich y profescional y tl Zënter de mediaziun de laûr.

Ći sort de practicums él pa?

Al é le practicum tl’aziënda, le practicum da d‘isté, le practicum d’oblianza y le practicum de formaziun por jones y jogn dejavantajà.
Informaziuns é da ciafè tl Ofize Orientamënt scolastich y profescional y tl Zënter de mediaziun de laûr.

Ći sort de assunziuns/sorts de contrać de laûr él pa?

A tëmp determiné, a tëmp indeterminé, voucher, colaboraziun lëdia.
Informaziuns é da ciafè tl Ofize Orientamënt scolastich y profescional y tl Zënter de mediaziun de laûr.

Olâ ciafi pa ofertes de laûr?

Avisc d’öga y misciuns é da ciafè tl Ofize Orientamënt scolastich y profescional y tl Zënter de mediaziun de laûr.

I à na invalidité porvia de na maratia/n handicap. Ći poscibilité ài pa da ti ester impò tl monn dl laûr?

Al é poscibilitês d’aiüt desvalies pro i sorvisc soziai, inće le sorvisc de strotoraziun dl laûr tl Zënter de mediaziun de laûr po daidé.
Informaziuns é da ciafè tl Ofize Orientamënt scolastich y profescional y tl Zënter de mediaziun de laûr.

Cun tan d’agn poi pa mëte man da laurè?

Dai 16 agn insö

Tan d’agn mëssi pa avëi por fà n practicum da d‘isté?

15

Tan d’agn mëssi pa avëi por fà n lernerat?

15

Olâ ciafi pa informaziuns concretes sön n laûr?

Informaziuns é da ciafè tl Ofize Orientamënt scolastich y profescional y tl Zënter de mediaziun de laûr.

Co ciafi pa n laûr da d’isté o sajonal?

Avisc d’öga y misciuns é da ciafè tl Ofize Orientamënt scolastich y profescional y tl Zënter de mediaziun de laûr.

Co me presentëii pa sciöche al alda?

Avisc d’öga y misciuns é da ciafè tl Ofize Orientamënt scolastich y profescional y tl Zënter de mediaziun de laûr.

Sciöche genitur sunsi bele informé indortöra sön les poscibilités desvalies ch'al é do la scora mesana, i conësc la brosciüra 'Wegweiser bele feter adamënt y i sun bele sté a manifestiaziuns d'informaziun desvalies; mia möta/mi möt mostra indere da n'avëi nia cis interes y baia ma iniert de chësc, ince sc'al reverda pö pordërt ëra/ël y nia me. Co dessi pa m'astilé?

Al foss ideal che la dezijiun ci strada tó do la scora mesana ne gniss nia ma tuta dala möta/dal möt da sora/su o dai geniturs da susc; i geniturs é dantadöt importanc canch'ara se trata d'acompagné y da sostigní i prozesc de dezijiun de süa möta/so möt. Les rajuns ciodí ch'ara ne vá gonot nia da rové adöm pó ester dër desvalies. Te n colloquium de consulënza pól gní baié di aspec doia, dles rajuns y de sciöch’an podess s’astilé te na te situaziun.

Mia möta/mi möt á na profesciun ideala, mo le tru por l'arjunje ti sá indere massa lunch. Co podessi pa fá da la/le motivé da ti jí do a so dejider?

Te n colloquium de consulënza pól gní baié dla motivaziun. Implü pón ince s'informé sön formaziuns y profesciuns alternatives o somiëntes.

I oress che mia möta/mi möt imparass na profesciun che ti dá de bunes poscibilités da se ciafé dedô n post; ara/al indere á d’atres intenziuns. Co dessi pa m'astilé?

Te n colloquium de consulënza pól gní baié dles poscibilités de laur do na formaziun y ince de sciöch’an dess s’astilé canche la situaziun dl marcé dl laur n’é nia sigüda.

Co pói pa fá da daidé mia möta/mi möta chirí fora le dër tru formatif, scolastich o profescional?

Pro la lîta dla formaziun, dl stüde y dla profesciun mësson daidé do, les jones y i jogn adora le sostëgn di geniturs. Consëis de prescia o iudizi pausciai dëida püch. Al é damí ciaré da baié cun les jones/i jogn, da les/i sensibilisé/motivé ala lîta dla profesciun y les/i sostigní te sües ativités liades a chësta lîta.

Pó geniturs se anuzé ince da susc (zënza möta/möt) di sorvisc de consulënza profescionala (consulënza, infoteca …)?

Chël sce! Y al é ince dër important, deache ma geniturs che s’á informé indortöra é bugn da acompagné cun competënza sü mituns y da i daidé tó na dezijiun autonoma.

Mëss/pó i geniturs ester presënc pro le colloquium de consulënza de süa möta/so möt?

De regola y tla maiú pert di caji é la presënza di geniturs ince dër importanta. Te caji ezezionai pól ince ester por valch na consulënza zënza geniturs. Al vëgn fat fora cun la consulënta/le consulënt ci che foss damí.

Mia möta/Mi möt n'é pordërt nia interessé a na consulënza. Dessi impó le fá jí a na consulënza profescionala?

Consulënzes sforzades sö á sovënz pücia faziun, deache la motivaziun y la colaboraziun é premisses fondamentales por na consulënza profescionala efiziënta. Al foss damí ciaré da sensibilisé y motivé les jones y i jogn por na consulënza.

Olâ ciafi pa ofertes de formaziun speziales por jones y jogn?

Avisc d’öga y misciuns é da ciafè tl Ofize Orientamënt scolastich y profescional y tl Zënter de mediaziun de laûr.

Dieser Post ist auch verfügbar auf: German, Italian