Sessualité

Mai tan co aldedaincö n’é la sessualité tan presënta, mai tan co śëgn nen vëgnel baié tan gonot y – sciöche al pê – te na maniera tan daverta; porimpò sunse dassënn malsigüsc. Dal cheder ideal trasmetü dai media nes sintiunse metüs sot a presciun, cun nostes domandes y dejidêrs sura la sessualité, cun nüsc conflić y tenjiuns tl confrunt de chësc tema sunse gonot confusc y pordüs.
Al é anfat ći domanda che nes brüj, sce ara se trata p. ej. che i ves temëis de na gravidanza, sce ara nen va dl pröm iade, de contrazeziun, omosessualité o d’atres tematiches, young+direct ves respogn te na moda tlera, snela, y sambëgn podëise romagne anonims. Inće por dötes les atres malsegurëzes desvalies sön chësc tema, é i colaboradus chilò por os, cun ëi podëise baié de döt.
Consulënza por domandes sura la sessualité y tl caje de nezescité, vëgn na psicoterapia inće pitada dal Sorvisc de consulënza matrimoniala y familiara. Os podëis ves confidé cun i colaboradus y les colaboradësses; ëi ves dà sostëgn y ves dëida superé i problems y laurè sö ći che i ëis vit.
Informaziuns sciöche an po se stravardè da abus sessual o sciöche an po se defëne, ciafa i atocà, familiars y personal spezialisé inće dal Garant por l’infanzia y l’adolescënza.

Porsona de referimënt

Dieser Post ist auch verfügbar auf: German, Italian

Posted in .