Scora y formaziun

Por ester bugn da afrontè le vignidé te scora, mo inće canch’ara vëgn da cambié dala scora al monn dl laûr o ala formaziun profescionala, ves aconsiunse y ves daidunse ion.
Le Zënter de consulënza pedagogica ves dà sostëgn te situaziuns de conflit te scora. Tres dialogs cun mituns y jogn, geniturs, maestri, dirigënć dles scores y d’atri vëgnel chirì les rajuns di conflić y laurè fora poscibilitês de soluziuns. Implü ciafëise aiüt tl caje de dificoltês tl imparè y sostëgn por desturbs p. ej. de desconzentraziun.
Ti caji olach’al va debojëgn de competënzes interculturales y de tematiches sura la migraziun, pîta i colaboradus dl Zënter Linguistich tl Zënter de consulënza pedagogica a Bornech süa colaboraziun y sostëgn.
I colaboradus dl Ofize de orientamënt scolastich y profescional se tol le tëmp cun dialogs personai por ves daidé te chestiuns che reverda la lîta dla scora, dl stüde y dla profesciun.
I sorvisc suandënć po gnì contatà sides por e-mail co inće por telefonn.

Porsona de referimënt

Dieser Post ist auch verfügbar auf: German, Italian

Posted in .