Dificoltês personales/soziales

Sön le tru da gnì adulć incunta mituns y jogn gonot tëmes, dübi de sè intësc y malsegurëzes; gonot ne se sënti nia capis dal monn incëria y n’é nia bugn da fà capì sü sentimënć. Porsones de referimënt pro i sorvisc desvalis po ves daidé te chëstes situaziuns nia saurides.
Le Sorvisc psicologich pîta consulënza y assistënza tl caje de tëmes, depresciuns y destrubs psicosomatics. Sciöche le Sorvisc de consulënza matrimoniala y familiara, proa inće le Sorvisc psicologich da ves daidé inant canche i ves sintise öć daìte, pro tëmes soziales, ester spaui o d’atres problematiches pesoćes, y ćiara da ves pité inće terapies, sce al nen va debojëgn.
Baié de döt cant podëise cun young+direct. I colaboradus y les colaboradësses se tol a cör vigni problem y ves dëida ciafè na soluziun por superé situaziuns inće dër ries; n sorvisc asvelt, zënza complicaziuns, anonim y sambëgn debann. Os podëis contatè young+direct tres facebook, e-mail, WhatsApp y Skype, telefonè al numer vërt o baié personalmënter para, inće söl post.
Inće i Sorvisc Soziai pîta mosöres de sostëgn por os y ostes families te situaziuns de vita desvalies. Ëi é spezialisà da ti dè la poscibilité a mituns y jogn da podëi crësce sö te n ambiënt adaté a ëi y da portè pro a n svilup en armonia.
L’Ambulatore spezialistich dla Cooperativa soziala EOS dà consulënza y acompagnëia porsones che à – por gauja de maraties psichiches o d’atres problematiches – dificoltês da ciafè so post tla sozieté.

Porsona de referimënt

Dieser Post ist auch verfügbar auf: German, Italian

Posted in .