Violënza y abus

Bëgn vignun de nos se dejidrëia n monn zënza violënza. Baldi n’é gonot gnanca la familia n post de proteziun y segurëza. Violënza fisica y psichica sciöche inće l’abus sessual vëgn gonot scutà ia dales porsones atocades, deache ares se doda o se tëm. I sorvisc desvalis po daidé i atocà y inće su familiars. Ëi spliga ći che an capësc sot violënza y inće ći che an po fà decuntra.

Tl caje de abus sessual y d’atres formes de violënza pîta le Sorvisc psicologich, mo inće l’Ambulatore spezialistich dla Cooperativa soziala EOS na pröma consulënza y mët da jì atira i provedimënć che ô ester. Pro chisc alda inće les ofertes de terapia por les vitimes y sü familiars.

I raiuns soziai fej döt por defëne mitans y mituns, jones y jogn dala trascuratëza y da maltratamënc psichics y fisics y colaborëia porchël cun d’atres istituziuns sciöche por ejëmpl cun i doturs, i sorvisc spezialisá, la polizia y le tribunal.

Na orëdla daverta por düć i mituns y jogn à le Garant por l’infanzia y l’adolescënza. Al pîta sostëgn y aiüt te situaziuns de violënza y abus.

Te caji de violënza te familia él a desposiziun inće le Sorvisc de consulënza matrimoniala y familiara da Bornech.

Porsona de referimënt

Dieser Post ist auch verfügbar auf: German, Italian

Posted in and tagged , , , , , , , , , , .