Familia

Gonot vëgnel a s’al dè te familia situaziuns tan pesoćes, che da susc ne se sintiunse nia bugn da les afrontè. Ara po se tratè de domandes che reverda l’educaziun o inće le svilup di mituns, de problems danter i partners, de stres por situaziuns che vëgn a s’al dè tres indô danü, mo inće por dificoltês te caji de separaziun.

Le Sorvisc de consulënza matrimoniala y familiara ti pîta a families n acompagnamënt spezialisé te situaziuns critiches de vita. Pro conflić danter geniturs che se despartësc o tl’educaziun di mituns incorajëii düć i familiars da chirì soluziuns adöm, tres dialogs de mediaziun.

Le laur dl raiun sozial mirëia a ti dé sostëgn a mitans y mituns, jones y jogn che crësc sö te n ambiënt sozial olache so svilup y so bëgnester é tl prigo y se crüzia che ares/ai svilupëies porimpó sües capazités y sü talënc y crësces sö te na manira sana. I raiuns soziai dëida mitans y mituns, jones y jogn da jí so tru cun na certa segurëza te se instësc y te na manira autonoma y acompagnëia les families y ti dá consulënza por che la vita familiara garetes.

L’Ambulatore spezialistich dla Coop. Soz. EOS tla strotöra de terapia che alda laprò, pîta snel aiüt y acompagnamënt de prevenziun, diagnostica y cura por mituns, jogn y families.

Consulënza por l’educazion de jogn cun desturbs particolars vëgn dada dal Sorvisc psicologich.

Families cun na storia de migraziun vëgn daidades dal Sorvisc de coordinamënt por l’integraziun.

Porsona de referimënt

Dieser Post ist auch verfügbar auf: German, Italian

Posted in and tagged , , , , , , .