Raiun sozial

Les mitans y i mituns á le dërt da crësce sö te n ambiënt sigü y sann. La familia á porchël da gní sconada te na manira particolara.

Le fin de nosc laur é chël da ti dé sostëgn a mitans y mituns, jones y jogn, che crësc sö te n ambiënt sozial olache so svilup y so bëgnester é tl prigo, y da se cruzié che ares/ai svilupëies porimpó sües capazités y sü talënc y crësces sö te na manira sana. I daidun mitans y mituns, jones y jogn da jí so tru cun na certa segurëza te se instësc y te na manira autonoma, i acompagnun les families y ti dun consulënza por che la vita familiara garetes y i fajun döt por defëne mitans y mituns, jones y jogn dala trascuratëza y da maltratamënc psichics y fisics.

I ciarun da ciafé poscibilités de soluziun deboriada cun la familia colaboran cun d’atres istituziuns, sciöche por ejëmpl cun les scolines-coa, les scolines, les scores, i doturs, la polizia y le tribunal.

La cura y l’educaziun di mituns é imprömadedöt na responsabilité di geniturs. Sce i geniturs indere ne se lascia nia daidé o sce le bëgnester di mituns é tresfora tl prigo scemia che la familia vëgn sostignida él le tribunal che tol i provedimënc che ó ester por le bëgn di mituns y tol eventualmënter ince na dezijiun por ci che reverda le dërt da i ciaré do y le post olache ai crësc sö.

Nosc ciamp de laur tol ite le sostëgn finanziar a porsones singoles y families te situaziuns de bojëgn finanziar, l’organisaziun de n’assistënza da fondamënt por mitans y mituns, la consulënza tl’educaziun y la promoziun de ofertes pedagogiches por mitans y mituns, jones y jogn y families.

I ti dun porchël importanza a ofertes de prevenziun y sostëgn familiar che porta pro a cherié condiziuns de vita positives por les families.

Plü avisa se tratera de:

  • assistënza sozio-pedagogica domisdé por mitans y mituns, jones y jogn;
  • assistënza individuala
  • acompagnamënt di contac danter i geniturs y i mituns te situaziuns de separaziun;
  • acompagnamënt abitatif dles jones y di jogn sura 16 agn che vir da susc;
  • consulënza sozio-pedagogica y acompagnamënt tla vita da vigni de de families te so paisc;
  • ofertes d’ativités por mitans y mituns dla scora elementara y mesana tratan i mëisc de vacanza da d’isté;
  • sistemaziun de mitans y mituns, jones y jogn fora dles families;
  • sostëgn finanziar por porsones singoles y families te situaziuns de bojëgn.

Vignöna y vignun pó tó sö contat cun i raiuns soziai, dantadöt mitans y mituns, jones y jogn che á problems o é te situaziuns de bojëgn.

 


Raiun sozial Bruneck-Umgebung

Dr. Hans Mitterhofer

Dr. Hans Mitterhofer

Paternsteig 3
39031 Bornech
Telefonn: +39 0474 555548
E-mail: sozialsprengel.bruneck-umgebung@bzgpust.it
E-mail zertificada: spbruneck.disbrunico@pec.bzgpust.it

Lönesc – Vëndres: 08:30 – 12:00 y 14:30 – 17:00

 

Raiun sozial Hochpustertal

Seebacher Helga

Dr. Helga Seebacher

In der Au 6
39038 Sanćiana
Telefonn: +39 0474 919999
E-mail: sozialsprengel.hochpustertal@bzgpust.it
E-mail zertificada: sphochpustertal.disaltapusteria@pec.bzgpust.it

Lönesc – Vëndres: 08:30 – 12:00 y 14:30 – 17:00

 

Raiun sozial Tauferer-Ahrntal

Dr. Doris Oberparleiter

Hugo-Von-Taufers Strasse 19
39032 Türesc
Telefonn: +39 0474 678008
E-mail: sozialsprengel.ahrntal@bzgpust.it
E-mail zertificada: sptaufers.distures@pec.bzgpust.it

Lönesc – Vëndres: 09:00 – 11:30

 

Raiun sozial Val Badia

Federa Sabine

Dr. Sabine Federa

Picolin 48
39030 San Martin de Tor
Telefonn: +39 0474 524552
E-mail: sozialsprengel.gadertal@bzgpust.it
E-mail zertificada: spgadertal.disbadia@pec.bzgpust.it

Lönesc – Vëndres: 08:30 – 12:00 y 14:30 – 17:00

 

 

Map is loading, please hold on

Dieser Post ist auch verfügbar auf: German, Italian

Posted in and tagged , , , , , .